MAO - FITS Center Tiaong, Quezon

RCEF Seeds Delivery May 15, 2024 | TIAONG, QUEZON -  Mahigit 300 sako ng binhi ang idineliver sa bayan ng Tiaong. Nagmula ang mga binhi ng palay sa DA-PhilRice bilang tugon sa RCEF Seed Program ng ahensya. Layunin ng programa na makabawas sa gastusin ng mga magsasaka ng palay at para mapataas ang ani para mas tumaas ang kita ng mga magsasaka. Para sa ating mga magsasakang tatanim na, maaaring makipag-ugnayan sa inyong mga municipal agricultural extension worker para sa pagkuha ng mga binhi. #MAOTiaongQuezon #FITSCenterTiaong #MEAksyonAgad #LetsMakeTiaongStrongerTogether

Free Spay and Neuter May 3, 2024 | TIAONG, QUEZON – Ginanap ang malawakang pagkakapon at pagli-ligate sa mga alagang aso at pusa sa Old Senior Hall Building sa municipal compound sa tulong ng Office of the Provincial Veterinarian noong nakaraang Biyernes. Higit 30 alagang aso at pusa ang naserbisyuhan ng programa sa pakikipag-ugnayan ng kanilang mga fur moms and dads. Layunin ng programa na mabawasan ang mga hindi inaasahan at planadong pagbubuntis at para mapahaba ang buhay nina Muning at Bantay. Nagdaos din nang pagtuturok ng anti-rabies vaccine at deworming. Tinalakay naman pagkatapos ng aktibidad ang tamang pamamahala at pag-aalaga matapos ang pagkakapon at pagli-ligate. Malaki ang responsibilidad na nakaatang sa mga may-ari sapagkat sa kanila nakasalalay ang madaliang paggaling ng kanilang mga alagang hayop. #MAOTiaongQuezon #FITSCenterTiaong #MEAksyonAgad #LetsMakeTiaongStrongerTogether