𝐅𝐀𝐑𝐌 𝐓𝐎𝐔𝐑 𝐎𝐍 𝐌𝐔𝐒𝐇𝐑𝐎𝐎𝐌 𝐏𝐑𝐎𝐃𝐔𝐂𝐓𝐈𝐎𝐍

November 4, 2024 | TIAONG, QUEZON – Ikinagalak ng mga miyembro ng Rural Improvement Club (RIC) mula sa Brgy. San Francisco at Paiisa ang ginanap na hands-on demonstration sa pagtatanim ng tissue ng kabute gamit ang iba't-ibang media at teknolohiya sa pagpaparami nito. Pinangunahan ni Ms. Rhona M. Lorena mula sa Municipal Agriculture Office – FITS Center Tiaong, Quezon ang pagsasanay.

Tinalakay naman ni Ms. Alma J. Caringal, SLSU – Tiaong Campus Director ang kahalagahan ng tamang packaging at labeling ng mga produkto. Isa sa mga naging halimbawa ay ang mushroom chili oil na ipinagmamalaki ng unibersidad bilang isang lokal na produkto.

Matapos nito, binisita ng grupo ang mushroom growing house ni Mr. Edwin Baladad, isang kilalang mushroom grower sa Sariaya, Quezon. Sa pamamagitan nang pagbabahagi nya ng kanyang karanasan sa larangan ng kabutehan, mas natuto pa ang mga kalahok tungkol sa makabagong teknolohiya at pamamaraan sa pagpaparami nito.

Ang gawaing ito ay bahagi ng proyekto ng SLSU – Tiaong Campus katuwang ang Municipal Agriculture Office – FITS Center Tiaong, Quezon. Layunin ng programa na suportahan ang pagpapalawig ng kaalaman at kasanayan sa kabutehan bilang karagdagang kabuhayan ng mga magsasaka.

#MushroomProduction #SLSUTiaongCampus #MAOTiaongQuezon #FITSCenterTiaong #MEAksyonAgad #LetsMakeTiaongStrongerTogether